1397/11/29 | |
  

 

 


  

[Atorpatdate] نظرات: 2 نمایش: 1607 تعداد امتیاز: 12   (Article Rating)

جان کیمی وطنی باسیب باغرینا/ایگیت قهرمانلی ماکو داغلاری



جان کیمی وطنی باسیب باغرینا/ایگیت قهرمانلی ماکو داغلاری

میرعلی صادق موسوی ((حامید)) حمید اوغلو 1308 گونش ایلینده ماکو شهرینده بیر هنرلی و دویغولو آیله ده دونیایا گوز آچیب. هامی سطحیده تحصیلاتینی بو شهریده قورتاریب و دیپلم آلاندان بری اوز ایسته گیله اویرتمنلیک پئشه سینی سئچیب و 22 ایل ماکو وشوط دبیرستانیندا اویرتمنلیک ائدن دن ، سونرا ماکوده فرهنگ و هنر اداره سینین باشچی سی اولوب و 32 ایل اولکه سینه قوللوق ائده نلر سونرا 1358 جی ایلده بواداره ده امکلی(بازنشست) اولوبدور .اوستاد حامید ماکوئیدن ایندی دک 4 دنه اثر چاپا یئتیریلیبدیر : 1- خاطیره لر2-حامیدماکویئنین غزللری(بیرینجی جیلد) 3- سلام به حیدر بابا(حیدر بابانین ترجمه سی) 4- حامید ماکویئنین بیرینجی و ایکنجی جیلد غزللری .

بو دیرلی شاعیرین  بیر شعری تقدیم اولور :

ماکو داغلاری

باش چکیب ذیروه سی بولوددان کئچن

باشینا اولدوزلار اینجی لر توکن

کهکشانین سینه سینده یوخلویان

بولودلار دوشوندن سرین سو ایچن

چیسکینلی دومانلی ماکو داغلاری

ایگیت قهرمانلی ماکو داغلاری

        * * * * * * *

عومورلر کئچیردیب بوکولوب بئلی

قار قونوب باشینا آغاریب تئلی

ائیلیب کولجه سین آچیب ائل لره

قورویور قارشیندا یاشییان ائلی

آنا مهربانلی ماکو داغلاری

ایگیت قهرمانلی ماکو داغلاری

        * * * * * * *

بیلمه ک اولماز عوموروندن یاشیندان

دورنا قالخیب کئچه بیلمز باشیندان

عظمت لی حادیثه لر اوخونور

قایاسیندان دره سیندن داشیندان

سینه سی داستان لی ماکو داغلاری

ایگیت قهرمانلی ماکو داغلاری

        * * * * * * *

ایل بویو بورونر دومانا چمه

باش ایمز دونیادا کدره غمه

بیر رشید قوجامان پهلوان کیمی

شهرتی یاییلان بوتون عالمه

ایفتیخارلی شانلی ماکو داغلاری

ایگیت قهرمانلی ماکو داغلاری

        * * * * * * *

گویده اولدوزلارلان باش باشا چاتان

دوشونده آصلان لار باش قویوب یاتان

قارتال لار یوواسی پلنگ اویناغی

اوجا قایالارا تفاخر ساتان

ببیر لی اصلان لی ماکو داغلاری

ایگیت قهرمانلی ماکو داغلاری

        * * * * * * *

آغ بورونر قیشدا یاشیل گئیر یاز

دوشلرینده گول چیچک دن یئر اولماز

جوشغون بولاغلاری قایناییب جوشار

قار یئره دوشونجه چیچه گی سولماز

گوللو گولوستانلی ماکو داغلاری

ایگیت قهرمانلی ماکو داغلاری

        * * * * * * *

تاریخین سری آنینا یازیلان

سینه سینده کتیبه لر قازیلان

بو گورکملی قوجا قهرمان داغا

هم سهند باش ایر همده سبلان

قدرتلی توانلی ماکو داغلاری

ایگیت قهرمانلی ماکو داغلاری

         * * * * * * *

ایکی مین بئش یوز ایل مرزده دوران

یاغی دوشمنلریله معرکه قوران

جان کیمی وطنی باسیب باغرینا

ذیروه سینده ظفر بایراغی وئران

قانلی چالدرانلی ماکو داغلاری

ایگیت قهرمانلی ماکو داغلاری

        * * * * * * *

قیزارمیش داشلارین قلبیندن چیخان

ایگیت لری بوی بوخونلو قهرمان

وطن قاوقاسیندا جانیندان کئچن

دوشمان قاباغیندا داغ کیمی دوران

قوچاق پهلوانلی ماکو داغلاری

ایگیت قهرمانلی ماکو داغلاری
 

منبع : یلدا ماکو

کد: 1335710
گروه: مقالات, ترکی, اخبار مهم, آنا دیلیمیز
امتیاز بندی

نظرات

# ارسال کننده: سلماسلی
   تاریخ ارسال:2012/02/12
شعر با احساس و لطیفی هست و می شود آن را یک شعر ارزنده دانست اما با توجه به چگونگی چیدمان واژگان و بهرمندی از آرایه های ادبی از 20 بنده به این شعر نمره 11 می دهم. در ضمن این سروده غزل نیست!!!!!!!!

# ارسال کننده: وحید
   تاریخ ارسال:2012/02/12
سلام,
گوزل شعریدی ,
دوغورداندا ماکو داغلاری , آغری داغ گوللی گولستانلی و ایگیدلی دیر .
تشکورلار
ارسال نظر:

نام و نام خانوادگی (الزامی)

Email (not required)

وب سایت

Enter the code shown above:

  

  جستجو در اخبار   

Copyright 2015 www.ainanews.com